Sumbong ng maliliit na mangingisda sa Laguna Lake
NAKARATING sa amin ang sumbong ng ilang mangingisda sa Laguna Lake. Ang mga pobre, inaresto na, nawalan pa ng kita. Kakarampot na isda, kinuha. Sila’y mga maliliit na tao lamang na hikahos sa buhay. Mga miyembro ng 4Ps na nakadepende sa sustento ng gobyerno.
Kayo sa Laguna Lake Development Authority (LLDA), pati na mga pulis sa Baras, Rizal, kayo ang target ko rito. Kung nababasa n’yo ang kolum na ito, may mensahe ako sa inyo. Maaaring nagagamit na kayo ng mga malalaking negosyante’t korporasyon.
Ang batas ay ginawa ‘di para pahirapan ang mga mahihirap at magkaroon ng inhustisya. The way I see it, walang nilabag ang mga mangingisda. Bakit n’yo hinuli? Nandoon lang sila sa lawa, nanghuhuli gamit ang lambat. Naghahanapbuhay para may maipakain sa pamilya. Wala silang ginawang ilegal sa paghuli ng isda.
Hulihin n’yo kung sakaling sila’y nagnanakaw at naninira. Doon kayo magpakitang gilas. Intiende?
Ano bang pinoprotektahan ninyo, LLDA? Ang mga malalaking fish pens at ekta-ektaryang fish cages?
Di na bago sa BITAG ang mga nagaganap sa Laguna Lake. Kayo PNP Baras o kung sinumang nasa lokal na pamahalaan – kayong mga mayor, mga kasapakat ba kayo ng mga naglalakihang negosyo sa Laguna Lake? Nabubuhay na lang ba kayo sa mga permit ng mga malalaking negosyo? Sana makaabot ito sa inyo.
Plain and simple. Kagaguhan ang ginawa n’yo. Bakit ninyo inaresto? Kung may mga awa kayo, hindi makakaabot sa amin ito.
Kami na mismo ang umaapela, gobyerno kayo. Take it easy dito sa mga maliliit na mangingisda.
- Latest
