Your great experience

Ang Philippine Amusement and Gaming Corporation (PAGCOR) nahisama sa atabay nga maoy gihimong kawsanan ni Presidente Rodrigo Duterte og binilyong salapi para igasto sa iyang mga proyekto nga mapuslan sa kinabag-ang kabus.

Gani, nalakip man ang kita sa mga PAGCOR officers sa collateral damage, sa change nga gihimo ni Tatay Digong human pugngi ang ilang cash incentives sa GCG nga unta dili angay, sanglit mao na man kini ilang naandang madawat sukad pa sa nangaging mga presidente sa nasud.

Dili ba may balaod man nga kon unsa ang naandang kita sa empleyado isip suweldo sa nangaging administrasyon, dili na kini mahimong hilabtan sa mosunod nga namunoan? Pwede nga pun-an, nungka nga kuhaan!  Pero unsaon ta man. Ang kasingkasing sa GCG bato. Wala makaila og kalooy!

Apan bisan pa ning grabeng bagyo nga mihasmag sa ilang panrabaho, nagpabiling loyal ang mga empleyado, from rank and file to officers sa pagpaningkamot  nga madiliber ang tukmang kantidad nga gikinahanglan ni Tatay Digong alang sa nasugdan ug wala pa masugdi niyang proyekto.

Ang nakaporke, kay ning hugot nga pagpanggukod sa mga daotang elemento ug estriktong pag-implementar sa kinsa la’y makasulod sa casino, naapektohan gyud og dako ang attendance sa mga manunulaay.

Mao ni hinungdan nga sa miaging Hunyo 29, sa alas 11:00 pasado sa buntag, mipahigayon og press conference ang PAGCOR-Cebu, nga gipangulohan ni Branch Manager Ricardo ‘Ric’ Uy didto sa mabugnaw’ng Teatro Casino, aron ilusad ang bag-ong tagline nga daw nagpangamay og customers:  ‘Your one great experience.”

Atubangan sa Cebu Bloggers Club ug lainlaing media sama sa The Freeman, Sun Star Cebu, Cebu Daily News, Bombo Radyo, DYLA ug uban pa, gipadayag ni BM Uy nga gibati gyud siya og diyutay’ng kakulba sanglit first time niya kadto nga miatubang sa media. “Labi na,” matud pa niya,  “media is very powerful, intelligent, etc, but also a friend.”

Giladlad ni BM Uy pinaagi sa video ang tanang produkto sa PAGCOR nga mao ra gyud ang walay pagkalubad nga serbisyo sa mga empleyado ngadto sa mga kustomer, diin iyang paninguhaon nga kutob sa kinsay makasulay makahatag kinig kasinatian sa hingtungdan nga mahigalam. Busa, magbalikbalik.