Natural nga seks aprodisyak

Unsa ba kining aprodisyak? Usa ni ka pagana nga buhion ang mga ugat sa kaulag aron makasugakod nga molahutay sa hamagay sa kama.

Daghan kanatong mga hamtong, ug bisan sa mga batan-on, mao pa gani ang pag-init sa kahigwaos, napawong na ang kaikag sa sekswal nga makab-ot ang katagbawan.

Napagya na sa uban, ilabi na niadtong kanunay nabaraw, o naminghoy nga wala gayud makaarangkada, ang mabiaybiayon nga komedya, modayon na lang og pangagho nga kuno hunahuna na la’y nagdako.

Mora sab og may katinuoran, apan unsa man gayu’y kalagmitan nga mga hinungdan niini? Atong subayon kay basin tuod og wala nato kini mamatikdi sa atong kaugalingon, mao nga naingon kita kadesperado niining butanga.

Mahimong usa sa hinungdan, ang pagkaabusado sa lawas, nga bisan og mangaungas na, pugson gihapon nga tilokon, o tition gyud, hangtud sa kapulihay dili na puti ang mogawas kon dili ang pulang dugo na la’y mosidlit.

Ang nakapait ning sitwasyona, ang implikasyon nga dili kita makapugong, dako ang risgo nga dali kita magkasakit sa seks, kay manghuong man sa uban aron pagtubag sa panginahanglan, labi na’g mahulog sa pulang huyonghuyong.

Ang laing hinungdan, mahimo nga sa subra nga pagkayod, ang hunahuna sa kaulag, labi na og luyahon na daan, mosamot kini og kamatay kay wala na kapukos sa obligasyon sa kaparis, permi na lang intawon katulgan ni manoy.

Sa ikaduhang hinungdan, nakabentaha’g diyotay kini nga dili pa kita kawad-an og paglaum, kay mahimo pa kini mapukaw, basta tabangan lang nga ipukos niining butanga nga sa kanunay tinguhaon nga kahatagan gyud og panahon nga mabuhi, ug niini, dako ang ikatabang sa resipe nga natural seks aprodisyak.