Mga pagkaong alkalina (3)

Basil – ang mga tawo naghunahuna niini mahitungod sa kalidad sa makuhang mga nutrens kon kini lutoon, apan ang mga hibla (herbs) ug lamas (spices) nga kanunay’ng gigamit, ang basil mas bug-at og nutrisyon isip pagkaon.

Labi na og lab-as nga dahon maoy paliton ug kan-on kay nagbaton kini og dasok sa calcium, hasta vitamin C ug K.

Aduna sa’y laing lima ka naglabing pagkaon nga alkalina nga partikular alang sa pag-alibyo sa kabuhi (heartburn), sama sa mga mosunod;

Achiotes – gigamit ni nga pahumot, o lamas sa sud-an nga dugay na sab kini gigamit isip tradisyonal nga panambal sa ayurveda medicine.

Ang achiote adunay ‘norbixin’ nga usa ka gamhanang ‘antioxidant’ para pakalma sa nag-alburotong tiyan gumikan sa mga toksins sa ginhawaan ug sa kabuhi.

Fennel seed tea – tsa kini nga usa ka toksins ‘neutralizer’ nga pakalmahon ang kabuhi.

Moinom la’g duha ka tasa niini kauban ang mga natural ingrediyentes alang sa mas dali ug maayong resulta.

Kapayas – aduna ni ‘papain enzyme’ nga makapanindot sa paghilis sa atong gikaon, ug paus-oson niini ang asido sa tiyan.

Ang resulta mopamenos sa sintomas sa kabuhi, sa pag-abag sa kapayas sa sistema sa paghilis.

Mansanas - dasok ni sa fiber, makaabag sa pagtunaw sa kinaon.

Ang kanunay pagkonsumo niini, makapanormal sa pagpagawas sa hugaw, ug mosanta sa mga sintomas sa kabuhi ug ubang problema sa tiyan.

Romaine lettuce – dako ni’g tabang sa gikabuhi, kay taas ni og mineral ug motaas ang lebel sa alkaline ug makasugakod sa pagkombate sa mga toksins, nga maoy nakapaasidik sa lawas ug nakaingon sa sintomas sa kabuhi.