Barug-Team Rama Independent

Mao kini ang gibutyag ni former mayor Mike Rama, atubangan sa mga bisita ni Engr. Dodo Abella nga nagsaulog sa iyang ika-88th birth anniversary sa miaging Independence Day, June 12.

Matud ni Rama nga wala mabungkag ang Team Rama, nga kon magpadayon ang panaghiusa, ila gihapong makab-ot ang kadaogan sa eleksiyon sunod tuig. Tapus sa pagdalit og tulo ka awit Binisaya, gipanghinaot ni Rama nga iyang maangkon ang bug-os nga pagpaluyo sa Abella Clan sa Labangon ning dakbayan.

So, atong ma-surmise that the former mayor is strongly determined to run in the 2019 elections in a bid to recapture city hall.

Kana kon madayon ang election nga duna ra ba’y mga sugyot nga iuswag ang ‘next year’s election to give way’ sa pagpahigayon na sa Charter change ug pagpahiluna sa Federalismo. Lagmit ang mahitabo mao nga inay nga mangampanya na ang atong mga political leaders alang sa eleksiyon, mao na’y atubangon ang pag-umol sa bag-ong Federal Constitution, ug magplebisito on election day. Meantime, extended ang terms sa atong mga local officials, hangtud nga ma-fully functional na ang Federal System sa atong panggobiyerno.

Sama sa pag-uswag sa eleksiyon sa mga kapitan sa barangay, hayahay usab unya ang incumbent natong mga local officials karon kay madugaydugay gayud sila’g pungko sa gahum nga ila karong gihuptan.

Mao kaha kini ang senaryo sa politika sa atong nasud sa mosunod nga mga adlaw? Hinoon, pagkakaron, nag-iyahay na man og positioning ang atong mga politiko.

Sa kaulohan, mibutyag si House Speaker Pantaleon Alvarez nga 24 na ka ngalan ang mitumaw nga adunay purohan nga maapil sa line-up sa PDP-Laban pagka-senador.  Ingonman ang opposition, makig-coalition sila sa ubang mga pundok ug sector nga supak sa present administration. Aduna usab sila’y gibutyag nga mga possible senatorial candidates ubos sa ilang coalition. So, lagmit mahinayon gayud ang eleksiyon.

* * *

Locally, samtang wala pa’y official nga mga pamahayag gikan sa mga nangambisyon pagdagan sa umaabot nga eleksiyon, apan, kusog kaayo ang sibaw nga molansar si Vice Mayor Edgar Labella pagka-mayor, ubos sa silong sa PDP-Laban Cebu City, diin siya ang chairman.  Alegre unya ang umaabot nga eleksiyon dinhi sa dakbayan. Sa atong giingon, lagmit ma-three-cornered fight pa.

Sa tambag kinsa’y atong pilion, si Alvarez nagkanayon: “It is very important for us to choose the candidates whom we can count on to support the programs of President Duterte and enable him to realize the changes he wants to bring to our country.”