Ang hilak ni Padre Herman

Gilubong na gyud ang akong maestro kaniadto sa seminaryo nga si Padre Eric Raveza.

Si Padre Herman Abcede ang nihimo sa katapusang seremonyas. Wa niya kapugngi ang iyang gibati mihilak siya. Bisan pa man kun replay na tuod ang maong video daw sa gibati ko nga ako atua ra gihapon didto bisan kun sa kaulohan kadto gihimo.

Tinuod may pagka estrikto kadto si Padre apan bisan pa man niadto seguro ko nga nahikap niya ang daghang kinabuhi apil na ang ako. Salamat sa iyang makanunayong paghagit kay ako naningkamot aron kalampusan masungkit apan ang di nako hikalimtan kaniya mao nga matud niya sa dihang nagklase kami sa Theodicy: “ In Philosophy we have to use our brains but in Theology we have to use and bend our knees!: nga sa ato pa, ampo ug ampo lang gyud aron the more kang makasabot ug mahigugma sa Dios nga imong gitun-an. Salamat Padre Eric till we meet again in heaven.