Santaon ang pagkahingaon (2)

Sagad sa naproblema sa katambok mao kadtong mga tawo nga mahigugmaon kaayo sa mga pagkaon ug naanad na nga dili makapugong sa pagkahingaon.

Bisan og nabusdik na ang ginhawaan sa kabusog, kaon gihapon ug moundang lang kon bation na og kaluya. Kon ingon ka niini nga matang sa tawo, aniay nindot nga balita alang kanimo.

Ang pagmenos sa gana sa pagkahingaon ug paus-os sa nanubra nga timbang, maangkon mo pinaagi sa resipe nga ilimnon nga makapahingangha nga ginganlan og “fat cutter drink’, nga motunaw sa mga nanubrang tambok nga wala na kinahanglana sa lawas.

Malisud kini tuohan, dili ba?  Buyno, human mo maila ang mga ingrediyentes, o mga sagol niini, makaseguro ka nga kini moepekto kanimo.

Naglangkob ni sama sa aloe-vera, lemon, honey ug luy-a, nga ato ron tukion.

* Aloe-vera —  Naila kini nga ‘Plants of Immortality’ ug nagbaton og hiyas sa natural nga medisina. Aduna kini kapin sa 75 ka aktibo nga bitamina ug minerales. Dasok usab kini sa tinubdan sa amino acids ug sa fatty acids.

Ang aloe-vera, nagbaton sab og daghang antioxidants nga makatabang sa pagpasaka sa atong metabolismo, aron makaabag sa pagkontrol sa timbang.

Sa aloe-vera, makahimo ka sa pagpakuha sa tanang toksins gikan sa lawas ug nga palig-onon ang sistema sa paghilis sa gikaon.

* Lemon — Puno usab kini sa bitamina-C, ang labing gamhanan sa mga ‘antioxidants’. Unsa pa ang kapasidad sa lemon? Daghan kini og makahimsog nga nutrens, sama sa magnesium, calcium, bitamina-A, potassium, iron, B-complex, carbos, protina ug pectin fibers.

Ang lemon, gikonsiderar kini isip usa sa milagroso, o gamhanan nga prutas, gumikan sa katakus nga makatabang sa pagpahimsog sa panglawas.