Senyales sa atay nga puno sa toksins (2)

Dili masabot nga pagtambok — Ang atay kon palyado na, dili na 100% nga epektibo sa trabaho niini nga mopagawas sa mga toksins. Ang tambok mosirkular gikan sa tiyan ngadto sa apdo ug mobalik sa sistema sa ‘organs’.

Mga allergies —Tungod sa gihimong mga ‘antibodies’ sa himsog nga atay, morespeto kini pag-atake batok sa makapa-allergy, o sa mga ‘allergens’. Sa kaso nga nimenos na ang abilidad sa atay, wala na’y kusog sa paghimo niini. Mapundo lang kini sa lawas mao nga kanunay lang mangatol, molabad ug mora’g sabog ang ulo, gumikan kay giatake na sa allergy.

Laygay nga kakapoy —Ang mga toksins mosanta sa metabolismo sa tisyu sa kaunoran, nga niresulta sa pisikal nga kanunay maluyahon ug manakit ang lawas. Sa taas nga panahon nga ingon niini ang kondisyon, makairitar kini nga madebelop ang depresyon, nga kanunay moulbo ang ulo nga masuk-anon.

Subra kasingtanon — Bisa’g luyahon na ang atay, unya mapugos kini sa naandan niini nga trabaho, mosamot kagrabe ang lawas nga permi anaa sa labihang kataas nga temperatura sa kainit. Kay wala na’y katakus ang atay, nga ipasa kini sa sirkulasyon aron kini pabugnawon, nga maoy indikasyon sa lawas nga kanunay magbasa gumikan sa grabe kasingtanon niini.

Acne mosamot dili mamaayo — Ang dili balanse nga ‘hormones’, usa sab sa senyales sa atay nga puno sa toksins, kay wala na’y makadispatsar sa mga hinungdan sa pagtumaw sa mga problema sa panit.

Unsaon, ang atay kulang na sa gahum aron iya pa kini maasikaso ang mga toksins tungod sa naghinubrang katambok.