Anak migamit sa apelyido sa ex-bf sa inahan nga dili niya papa

Dear Atty. Divine,

Duna ko’y problema sa birth certificate sa akong anak kay ang gibutang nga name sa father dili ang tinuod nga biological father sa akong anak, kondili, ang name sa akong kanhi boyfriend nga dili mao ang iyang papa.

Wa mi magkadayon sa akong boyfriend, but ang akong illegitimate child nagdala sa iyang apelyido kay mao may nabutang sa iyang birth certificate.

Karon gusto unta nako nga ipausab ang iyang Birth Certificate ug tangtangon ang name sa akong kanhi boyfriend nga nabutang sa Birth Certificate sa akong anak ug aron sab mausab ang surname sa akong anak. Unsa’y una nakong buhaton? Daghang salamat.- Jessa

* * *

Dear Jessa,

Kinahanglan gyud nimong ipausab ang Birth Certificate sa imong anak ug imong ipa-delete kanang name sa portion sa father nga diin ang nabutang mao ang name sa imong ex-boyfriend nga dili maoy biological father sa bata.

Imo kining mahimo pinaagi sa pag-file og Petition ngadto sa korte. Imo sab iapil sa petition nga ang imong apelyido maoy gamiton sa imong anak considering nga siya illegitimate ug dili siya acknowledge sa iyang biological father.

Mas maayo sab nga moadto ka sa Civil Registrar aron magiyahan ka sa imong angayan nga buhaton before ka moduol og lawyer aron pagpahimo sa Petition. Thanks and God bless.- Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.