Empleyado nga gipatrabaho atol sa iyang rest day
Dear Atty. Divine,
Dunay bag-ong pamaagi ang gitrabahoan namo nga kompaniya nga kon motrabaho mi sa adlaw nga among day off, bayran ra mi sa kantidad nga katumbas sa unom ka oras namo nga pagtrabaho.
Dili ba duna may balaod nga kon ang usa ka empleyado motrabaho sa iyang day-off, sweldohan man gyud siya og katumbas sa usa ka adlaw, ug pun-an pa gani og katumbas sa 1/3 sa iyang usa ka adlaw nga sweldo? Makiangayon ba ang bag-ong pamaagi sa among kompaniya? Unsay among himoon? — Rommel
Hi Rommel;
Base sa atong Labor Code, ang empleyado nga gi-require sa pagpatrabaho atol sa iyang rest day is entitled sa iyang regular nga sweldo sa maong adlaw, plus 30% nga additional pay isip premium, kana base sa Section 9 sa Omnibus Rules Implementing the Labor Code.
Sa ato pa kon ikaw gipatrabaho atol sa imong day-off sulod sa walo ka oras then you are entitled sa imong sweldo on that day, plus 30% premium. Ang minimum hours nga gi-require nato sa balaod sa pagtrabaho is 8 hours per day.
So kon pananglit gipatrabaho ang empleyado atol sa iyang day-off or rest day, apan sulod lang sa unom ka oras, then entitled siya nga modawat sa iyang sweldo equivalent sa number of hours nga iyang gitrabahoan, unless dunay kontrata ang empleyado ug employer nga naglatid sa ilang terms and conditions labot niini.
Ang maayong buhaton ninyo mao ang pag-clarify sa issue sa inyong management kon required ra ba mo nga motrabaho sulod sa 6 hours during sa inyong day-off aron makamenus ang company sa sweldohan tungod sa posibleng cost cutting nga ilang gipatuman, or patrabahuon mo og 8 hours during sa inyong day-off, but sweldohan lang mo og 6 hours kay misukwahe na kana sa balaod. -Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa inyong column matag Miyerkules, Sabado ug Domingo.
- Latest
