Aging well

Sa ato na nga gibalikbalik dinhi, giingon nga age is just a number. Alang niadtong wala magtagad kon pila na sila ka tuig nga nagpuyo ning kalibutana, tinuod kini. Numero ra gyud ang edad.

Nagpasabot nga wala mag-agad sa edad kon unsa nga matang sa kinabuhi ang atong puy-an ning kalibutan, magmalipayon, o magmasub-anon ba, magmadasigon, o magmaluyahon ba. Sa ato pa, kon magpadala kita sa atong edad, magtiniguwang na, maghuwat na lang sa tawag kon roll call sa tag-iya sa atong kinabuhi. Nan, we can never stay young – young in looks, young in thinking, young at heart. Dili na kini mahimo nato tungod kay gipugngan na kita sa atong edad.

Niay sugilanon sa usa ka retired school teacher, si Daylinda Quiroz, 75 ang edad, nabiyuda kaduha, unom ang anak, aduna na’y 18 ka apo. Ang iyang sinuwat giulohan og Aging Well. Ako ning ipaambit ninyo.

Nag-una og kamatay ang iyang mga ginikanan, ang amahan, 56, samtang ang iyang inahan, 59. Ang sayong pagpanaw ngadto sa laing kinabuhi sa ilang mga ginikanan, devastated us all, matud ni Daylinda. Apan wala kadto makapahugno kanilang 11 ka magsuon.

Isip kamaguwangan, siya ra ang nakatapos pagtungha sa kolehiyo, samtang ang iyang mga manghod, matud niya, “were only armed with sheer determination and ample guts to succeed.” Ilang gi-value pag-ayo ang edukasyon, isip mga anak sa ginikanan nga mga educator. Ultimately, naka-graduate ra gyud silang tanan sa kolehiyo. 

“We take good care of ourselves, go for medical checkups, and take prescription medicines, if there are, regularly and religiously,” matud ni Daylinda. Ug silang tanan na-senior citizen ra gyud, gawas sa ilang kamanghuran nga kutob ra sa 59. 

Sa ilang pagka-senior citizen, “we celebrated life gloriously, as though we had hit the lotto jackpot,” sugilon ni Daylinda. Wala sila magtiniguwang.

Padayon ni Daylinda: “Each one of us, brothers and sisters, walk with aplomb, avoiding the slow gait, a sign of aging. We think and feel young, color our hair to hide the gray, religiously use facial moisturizer and body lotion to alleviate dry skin. We sisters put on mild makeup to conceal skin imperfections, and dress in nice outfits on special occasions.”

Unya, sa ilang mga get-together ug family reunions, ang main ingredient ning maong mga okasyon mao ang pagkinataw-anay.  “We are a family that loves to laugh,” matud ni Daylinda.

Kita, unsa man, gidaog ba kita sa atong edad?