Unsay epekto sa kaminyuon kon way marriage license?
Dear Atty. Divine:
Duna koy boyfriend sud na sa unom ka tuig. Tua ni siya nagtrabaho sa gawas ug this year mi nagplanong magpakasal. Ang igsuon sa akong boyfriend miingon nga aron daw di na mi mokuha og marriage license mo-execute lang kami og Affidavit of Cohabitation aron di na mi kinahanglan pa nga mo-seminar og mo comply sa mga requirements sa pagkuha og marriage license. Ang akong pangutana kon legal ba ang among kaminyuon kon di mi mokuha og marriage license? Daghang salamat. — Alona
* * *
Dear Alona:
Ang marriage license usa kana sa labing importante nga requirements sa pagpakasal base sa Family Code. Apan aduna kini exception sama sa nalatid sa Art. 34 sa atong Family Code nga diin kini nagkanayon nga di na magkinahanglan og marriage license kadtong nagpuyo na or nag live-in sud sa lima ka tuig provided nga way legal nga babag ang ilang panagpuyo. Sa imo nga kaso, wa mo mag live-in sa imong boyfriend kay atua man siya magtrabaho abroad so dili mo exempted sa pagkuha og marriage license or else mamahimong void ang inyong kaminyoon kon mapakyas mo sa pagkuha og marriage license, hayan mamahimo kining kabasihan sa pagpa-annul sa inyong kaminyuon. Mas maayo nga aron way question sa legality, mokuha gyud mo og marriage license ug aron makaandam ka niini mamahimong moadto ka sa Local Civil Registrar aron pagpangayo og listahan sa mga rekisitos alang sa pagkuha og marriage license. Thanks and God bless! — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest