Gustong idonar sa NGO ang iyang yuta
Dear Atty. Divine,
Duna ko’y yuta nga gusto unta nako nga i-donate sa usa ka Non-Government Organization (NGO) nga maoy nagtabang sa mga bata nga gi-abandon og mga masakiton.
Single ko ug wa ko’y anak, ug 65 anyos na ang akong pangedaron karon.
Unsa’y akong buhaton aron mahimong legal ang akong pag-donate sa maong property? Daghang salamat.- Lucy
* * *
Dear Lucy,
Aron mahimong valid ang imong pag-donate sa property, kinahanglan kini nga himoon in writing, kinahanglan sab nga notarize ug angay’ng adunay acceptance sa imong gihatagan nga NGO. 9Mas maayo nga moduol ka og abogado nga maoy imong pabuhaton sa imong Deed of Donation aron pagseguro nga pinasubay gyud sa balaod ang maong dokumento.
Apan hinumdomi nga kanang Deed of Donation moepekto na dayon from the time nga mopirma sa acceptance ang imong gihatagan.
Buot ipasabot nga ang imong property mahimo dayon kining i-transfer sa pangalan sa NGO nga imong gihatagan.
Busa, sa dili pa nimo i-donate ang maong property, siguroa nga aduna kay gi-reserve nga property alang kanimo ug sa imong mga galastohan sa umaabot nga mga panahon. Thanks and God bless! - Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest