Mo-apply og passport gamit ang ngalan sa igsuon

Dear Atty. Divine,

Duna ko’y pangutana labot sa problema sa akong igsuon. Nanarbaho siya sa usa ka factory when she was still 17 years old, and in order to hide her minority, iyang gigamit ang akong pangalan, so ang akong name maoy nabutang sa iyang employment records.

Karon, nagplano siya nga mo-apply og trabaho abroad ug need siya nga mokuha og passport. Gusto niya nga ang akong name ang iyang gamiton sa pagkuha og passport kay mao man kini ang nabutang sa iyang employment certificate.

Ang akong pangutana kon dili ba siya magkaproblema unya sa iyang pagkuha sa passport? Pwede ba ni niyang buhaton? Daghang salamat. —  Lydia

Dear Lydia,

Usa ka kalapasan sa atong balaod, ang Passport Law, ang plano sa imong igsuon nga pag-apply og passport gamit ang imong pangalan ug mahimo siyang mabilanggo ug mamultahan kon siya makonbikto niini.

Kini bisan pa kon wa siya’y criminal intent sa iyang paggamit sa imong name sa pagkuha og passport, but tungod kay Special law kini, hayan mahimo gyud siyang masilotan gumikan sa pag-violate sa maong balaod.

Kon makonbikto siya, dili na sab siya makakuha og passport samtang iyang giserbisyuhan ang silot kay ang maong balaod adunay silot nga pagkabilanggo. Busa ang maayo niyang buhaton mao ang pagkuha og passport using her own name, aron dili siya magkaproblema, later on. Thanks and God Bless.- Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.