Retirement pay
Dear Atty. Divine,
Duna ko’y pangutana labot sa retirement sa akong papa. Nagtrabaho siya sa bakery sulod sa 15 ka tuig. Karon ang iyang edad, 66 years old na ug gusto na siya nga mo-retire.
Apan ang akong pangutana kon may madawat ba siya nga retirement? Pila man sab ang angay niyang retirement pay?
Unsa’y iyang buhaton kon dili siya hatagan og retirement pay sa iyang employer? Daghang salamat. — Liza
Dear Liza,
Base sa R.A. 7641, kun New Retirement Law nga nag-amend sa Art. 287 sa atong Labor Code, kini nagkanayon nga kon ang empleyado nagtrabaho na sulod sa lima ka tuig ug nagpangedaron na og 60, mahimo siyang moritero isip optional, apan kon nag-edad na kini og 65 anyos, ang mandatory age of requirement, mahimo na kini nga mo-retire ug aduna siya’y katungod nga modawat og retirement pay basta nakaserbisyo na siya og at least 5 years sa iyang kompaniya.
Base sa maong balaod, entitled ang empleyado nga modawat og at least 1/2 month per year of service. Busa kon 15 ka tuig na siyang nagtrabaho sa maong kompaniya, angay’ng makadawat siya og half month per year of service. Kon pananglit dili mohatag ang iyang employer, then mahimo nga ang imong papa modangop sa DOLE.
Hinuon, kining maong balaod adunay exemption, sama pananglit sa mga establishment nga less than 10 employees lang. Busa mas maayo nga inyo kining ipadangat sa DOLE kon magdumili sa paghatag ang iyang kompaniya sa retirement pay aron sab maklaro ang maong issue. Thanks and God bless.- Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
