Maghisgot ta sa AARP

Niadtong mga nagngadto-nganhi na sa Amerika, o dunay mga kabanay nga atua na nagpuyo didto, sayod kaayo sila kon unsa kining AARP kon American Association of Retired Persons. Mao kini ang silbing counterpart sa atong Federation of Senior Citizen Association of the Philippines (FSCAP).

Hinoon, ang dakung kalainan kay ang nag-edad pa og 50 ug retired na, mahimo nang miyembro sa AARP, samtang kita dinhi 60 na ang edad aron maisip nga senior citizen.

Laing kalainan mao nga kita dinhi naghuwat lang unsay ikatunol nga tabang nganhi kanato gikan sa gobiyerno, sila didto ang dul-an 38 milyones ka sakop active kaayo ug ang kapunongan mismo naghatag og daghan kaayohan ngadto sa mga sakop.

Hinungdan nga makapangutana kita kon unsay nahimo sa FSCAP nganhi kanato, o ang local natong mga kahugpongan, unsa may nahatag nga benepisyo nganhi kanatong mga sakop?     

Pagkakaron, wala na igdungog ang FSCAP. Ug dinhi sa ato, off-and-on ang mga kalihokan. Ug ang mga sakop wala’y nadawat nga mga kaayohan gikan directly sa kapunongan.

Atong kutloon kining mission sa AARP nga mahimong atong awaton dinhi sa atong dakbayan. Magtukod ta’g kaugalingon nga federation sa tanang kahugpongan sa mga senior citizen sa dakbayan (mahimo kaha ni nato?). Ania:

“AARP is a non-profit, nonpartisan, social welfare organization with a membership of nearly 38 million that helps people turn their goals and dreams into real possibilities, strengthens communities and fights for the issues that matter most to families — such as health care, employment and income security, and protection from financial abuse.”

Mao ba usab kini ang misyon sa nagkatibulaag natong mga pundok sa senior citizen nga iyahay nga nag-operate sa mga barangay?

Unya, unya may social impact niining ilang mission ngadto sa katilingban, ilabi na ngadto sa mga sakop niini sa AARP? Ania: “Enhancing the quality of life for all as we age—not just serving our nearly 38 million members—is our mission. At its heart, the work that AARP and its affiliates do can be summed up in just 12 words: “We fight for and equip each individual to live their best life.” It’s all about real possibilities.”

So, particular kaayo sila sa pagpakabana sa mga panginahanglan sa dul-an 38 milyones nilang mga sakop, nga ilang mapuy-an sa labing katagbawan ang ilang kinabuhi. Nga kahatagan og  katumanan ang ilang mga damgo ug tinguha.

Mao ba usab kini dinhi sa ato?