Dili angay panason ang buhok o balhibo (2)

Ang buhok nagkontrol kini sa temperatura ug nakatabang kini aron kita panington nga mohungaw nga kamenosan ang kainit. Anhi dinhi ipagawas pinaagi sa singot, ang wala na kinahanglana nga mga toksik nga likido sa lawas, ug mosulod ang hangin, o oxygen ug hasta mga nutrens gikan sa adlaw, anhi sab dinhi tuhopon.

Mosanta sab kini sa bakterya kay alihan man sa tinugkan sa balhibo, o buhok, nga kanunay bugawon aron dili makamugna og impeksyons. Mas motaas ang risgo sa impeksyons kon wala’y buhok, o balhibo kay gipaawot ang palibot sa kinatawo, mairitar kini nga dili malikayan makalot ug unya madebelop ang impeksyons. Dali na masudlan og kagaw o bakterya, kay wa na’y mohawid nga buhok o balhibo, ilabi na sa mga babaye.

Mga problema sa panit: Ang lukop nga bahin sa lawas kon barbasan ang mga sentibong mga balhibo, nag-agni kini, o nagdapit lang sa bisan unsang kagaw, o virus nga mosulod, o mopuyo kay nakabukas na ang mga ‘hair policles’ nga gipaawotan. Kini ang sagad nga hinungdan sa nagkalainlain nga sakit sa panit

Hinuon, anaa ra kanato ang tino nga pagmatngon nga nagdepende sa gituohan nga labing maayo nga kita komportable ug unsa sab ang angay nga dili kita madaot. Basta, ang labing importante, tutokan gayud pag-ayo ang mga makapahimsog kanato nga dili kita mag-antos kay maoy gipasulabi ang pagsundog sa urog, nga hamison gayud ang panit, para nindot sud-ongon nga makabibihag tan-awon, sa wa’y pagtan-aw sa mahimo unya nga epekto.

Daghan na karon nga klinika ug ‘beauty shops’ nga nagtanyag og serbisyo, partikular na sa pagpahamis sa kutis. Usa na niini ang permanente nga dili na patuboon ang buhok, o balhibo, nga nakabalda sa panan-aw sa hingtungdan. Matud sa mga eksperto, lain na ang moturok nga mabuhi - ang kanser sa lawas.