Unsa’y mahitabokon inactive ang bank account?

Dear Atty. Divine,

Ang akong mama milarga sa abroad last year as tourist. Apan  nakatrabaho siya sa gawas after 3 months hinungdan nga nakakuha siya og working visa ug ang iyang kontrata good for four years.

Dunay gibilin nga bank account ang akong mama ug aduna kini substantial amount nga deposit. Ang akong pangutana kon pananglit dili makauli ang akong mama sa Pilipinas sulod sa upat ka tuig, dili ba ma-close ang iyang account kon wa kini transactions nga buhaton sulod sa maong gidugayon?

Unsa’y among buhaton aron pagseguro nga dili ma-close ang iyang account? Daghang salamat.- Lyca

* * *

Dear Lyca,

Kon ang usa ka bank account wa’y activity sulod sa napulo ka tuig, makonsiderar kini nga unclaim balances ug hayan mapunta kini sa gobiyerno base sa  Republic Act 3936 as amended by Presidential Decree 679.

Hinuon, dili kini automatic kay aduna may Escheat proceedings nga pagahimoon alang niini ug padad-an sab og notice ang depositor. Apan sa kaso sa bank deposit sa imong mama kon 4 years lang nga wa’y deposit o withdrawal ang iyang account, dili pa kini makuha sa gobiyerno ug dili sab kini ma-close ang iyang account kay 10 years man ang nalatid sa atong balaod.

Apan aron pagseguro gyud nga adunay activity ang iyang account, mahimo man nga imo kining depositohan og any amount at least once a year ang iyang bank account. Ang bank account ma-close lang sab kini kon wa kini transaction sulod sa pipila ka tuig ug unya below sa maintaining  balance ang deposito niini. Thanks and God bless. - Atty. Divine