Simple ra baya gyud ang kinabuhi apan...

Kita ang nihimo niini nga komplikado. Kini ang hinungdan kun ngano ang bisan unsang pamaagi ang nahimong lisud tumanon kay nakalimot kita sa basics sa kinabuhi. Daghan ang nahimong nagpangita sa bisan unsang paspas ug dali ug daghan ang moyamiid sa bisan unsang hinay ug langay.

Apan sa kauwahian, makita nato ang atong kaugalingon nga nawad-an na nuon sa pagpahulay. Puno kita sa pressures. Daw duna kitay giapas ug dunay gipaabot.  Dili na nuon nato ma-enjoy ang anaa sa atong palibot. Atong gipangita ang wala sa atong nahimutangan. Ning maong pagkaamgo ako nisuroy sa tunghaan ug wa lang tuyoa nadasig nga makigduwa sa mga bata. Kuyog nila nakita ko ang tinuod nga kahulogan sa kinabuhi. Ug bugtong mga bata lamang ang nakahupot niini.