Pagkaong pahimsog sa utok (2)

 * Coffee– Kon hingape ka sa buntag, angay ka nga malipay kay makaayo nimo kini, kay nagbaton kini og 2 ka komponent (caffeine ug antioxidant) nga makatabang sa utok, sama sa pagpaalerto sa utok gumikan sa ‘caffeine’, nga mosanta sab sa kaluyahon nga mura’g gidungoy o katulogon. Makapalig-on sa kabuot gumikan sa ‘serotonin’ ang ‘transmitter’ sa utok. Mohait ang konsentrasyon, basta dili magpalabi nga igo lang pagpukos sa konsentrasyon. Kay kon maadik o masubraan sa kape, kini sab makaango-ango ug malimtanon.

* Blueberries — Aduna sab kini daghang benepisyo sa panglawas, ilabi na makaayo sab kini nga mohimsog ang utok, gumikan sa ‘anthocyanins compound’ nga nagbaton og ‘anti-inflammatory’ ug ‘antioxidants’. Busa maayo i-apil ni nato kanunay sa pamahaw o isagol sa ‘smoothies’. Dasok ni sa antioxidants, nga motrabaho batok sa pamuypoy ug implamasyon.

* Turmeric (dulaw) — Aduna sab kini daghan benepisyo para sa utok, nga direkta  makaabot dayon sa mga selyula sa utok (braincells). Mopalig-on sa memorya ang ‘curcumin’ sa turmeric, ilabi na sa giango-ango ug malimtanon. Makapagaan sa depresyon gumikan sa ‘serotonin’ ug ‘dopamine’.

Mopadaghan sa bag-ong selyula sa utok. Kini gumikan sa ‘curcumin compound’ nga ‘neurothropic growth hormones’.

* Brocolli — Dasok kini sa ‘plant compounds’, hasta sa ‘antioxidants’. Taas ni’g vitamin-K, ang fat-soluble nga ‘spingolipid’ aron kini ilawog nga pahimsog sa utok, sa ingon molig-on ang memorya ug konsentrasyon. Labaw sa tanan ang broccoli, kompleto sa ‘anti-inflammatory’ ug antioxidants, nga ang epekto niini, aron dili   maugtas sa kadaot ang utok.