Makapugos ba ang kompaniya sa pagpa-retire sa empleyado?

Dear Atty. Divine,

Duna ko’y pangutana may labot sa akong retirement. I’m 60 years old since last year. Karong bag-o gipatawag ko sa among HR manager kay gusto sila nga mo-retire nako.

Nagtrabaho ko ning maong company sulod na sa 18 ka tuig. Ang company matud pa adunay early retirement program nga i-offer nako. Apan ako kining gibalibaran kay gusto pa ko nga motrabaho kay wa man ko’y buhaton kon mo-retire ko. Ang akong pangutana kon makapugos ba nako ang company sa pagpa-retire? Daghang salamat.— Leo

Dear Leo,

Base sa Article 287 sa atong Labor Code, ang usa ka empleyado mahimong mo-retire kon moabot na siya sa retirement age nga gitakda sa ilang Collective Bargaining Agreement (CBA) o sa retirement nga nalatid sa ilang employment contract.

Apan kon wa’y retirement plan ang company, ang empleyado mahimong mo-retire inig-abot sa edad nga 60 anyos ug dili molapas sa 65 anyos, ug makadawat siya’g equivalent og half month per year of service. Sa ato pa, ang mandatory retirement age nga nalatid sa atong balaod is 65 years old. Sa imo nga kaso kon wa malatid sa inyong CBA o sa imong employment contract nga dapat mo-retire ka at the age of 60, then dili makapugos kanimo ang imong kompaniya sa pag-retire.

Kanang early retirement program nga ilang gi-offer nimo kon wa nimo dawata dili sila makapugos kay ang pag-retire before the mandatory age of 65, dapat voluntary ug dili kana compulsory. Thanks and God bless. — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.