Pagkaon nga pahimsog sa utok

Makaikag nga basahon ang ‘Brain Foods’ o mga pagkaong para sa atong utok kay naghatag kini kanato og ideya mahitungod sa nutrisyon, kon unsa’y mga panginahanglan sa pagpahimsog sa utok.

Makalaum kita nga ang mga pagkaong nakalista, pulos gikan sa mga tanom, sama sa mga prutas (avocado, tamatis, blueberries, etc.) Mga dahonan nga utanon (broccoli, spinach, pulang repolyo (red cabbage)

Mga ‘beans’ ug lagutmon, mga mani (nuts) ug mga liso sama sa ‘chia’ ug ‘sunflower,’ Bugas nga ‘wholegrain’ o dili gi-refined  ug dark chocolate, nga wala’y sagol nga gatas.

Atong naobserbahan nga wala’y naapil nga produkto gikan sa mga mananap, sama sa gatas, isda, itlog, keso, ug ubang produkto sa bakahan (dairy). Ang simple nga rason niini, mao nga ang mga himsog nagkinahanglan og diyeta nga dasok sa ‘omega 3 ug omega 6 fatty acids.

Bisan og kini nagbaton og ‘fatty acids’, apan ang siyensya sa pagdukiduki niini,  nagpakita nga sagad kini adunay kalabtanan sa ‘obesity’ ug sa nagkalainlaing sakit, apil na ang kanser.

Ang mga ‘omega 3 ug 6 fatty acids, dasok ug daghan kini gikan sa mga tinubdan sa tanom. Busa mas maayo kini ang palabihon o iprayoridad sa atong pagkaon, kay nagbaton kini’g mga ‘fibers’ ug ‘micronutrients’.

Apan tungod sa kadaghan sa pagkaong pampahimsog sa utok aron haiton ang atong memorya ug konsentrasyon, naghan-ay usab ang ‘Nutrition Authority og nag-una  nilang mga pagkaong pahimsog sa utok.  Sama niining mga mosunod;

Fatty fish (tambok nga isda) – kon maoy hisgotan ang pagkaon sa utok, nag-una kini sa listahan nga angay konsumohon, sama sa salmon, sardinas, nga dasok sa ‘omega 3’, diin kini ang tunga sa 60% sa katibuk-ang tambok sa atong utok.