Aron ka saligan

Kinahanglang ipakita nimo ngadto sa uban kun nganong kinahanglan ka nila saligan. Dili lang kutob sa estorya ang tanan kinahanglan nga imo gyud kining puy-an. Sama gud na sa pagpunay og pangayo og hinabang nga kun dunay mohatag ipakita pud ang imong kamanggihatagon kay kun imong himoon ang pagpunay og abusar sa imong gihangyo, hayan kawad-an sila og pagsalig nimo ug kun mahitabo kini mag-unsa ka na man lang kun ugaling moabot na ang dakong panginahanglan? Busa ayaw pangilad, pagtinarong sa imong kinabuhi igsuon ug matag higayon nga ikaw makasala tinguhaa nga dili ka molunang niini.