Unsaon bato sa pantog hilison (2)

Kasumpay sa paagi nga inig-alas 2 sa hapon, dili na mokaon o moinom, iandam na ang pagsagol sa  upat ka kutsarita sa epsom salt ug  tulo ka basong tubig.

Kini nga solusyon, maghatag kanimo og  upat ka higayon nga paggamit.

Isulod ni sa sudlanan nga takoban ug ibutang sa ref.

Unya, inig-alas-6 sa gabii, mao ang unang beses sa pag-inom sa solusyon.

Dayon, sa alas-8 sa gabii ang  ika-2 ka beses nga pag-inom, konsumoha ni bisag wala pay kaon bisag unsa gikan sa alas-2 sa hapon ug wa pa batia’g gutom.

Ang pagkuha sa maayong resulta niini, kinahanglan moinom gyud ini sigun sa gitakdang mga oras nga girekomendar. Ig-abot sa alas-9.45 na, pikasa ug pug-a ang kahil (grapefruit) isagol sa ½  tasa nga ‘olive oil’.  Kutawon pag-ayo ighuman takoban. Igka-alas 10 na, konsumoha ang kinutaw nga magbarug sud sa 5-minutos.

Kon di makatug, inom og tsa (valerian tea). Human makainom sa kinutaw (shake), mohigda nga isaka ang lebel sa imong likod, Nga ingon ini ang posisyon sud sa 20 minutos aron sa kasayon imo mabati ang mga batong napulpog manggawas gikan sa atay nga walay hasol.

Unya ang ika-3 ka beses nga imnon ang solusyon, inig mata na nimo apan kanang sa dili pa molapas sa alas-6 sa buntag, nga sa sunod 2 ka oras, dili ka mokaon. Kon wa ka sa kondisyon paabota maarang-arang ang kondisyon mo. Human sa 2 ka oras, imnon ang ika-4 o katapusang beses ang solusyon, nga sa gihapon hulaton ang 2 ka oras una ka mokaon.

Human niini, inigkabuntag ayaw kahibulong nga magkalibanga ka, kay gipupos nga malimpyohan pag-ayo nga tibawason nga madetoks ang ginhawaan, labi na sa pantog nga malibre na gikan sa nakabaldang mga bato sa pantog.