Gihiusa sa gugma

Mao kini ang tema sa Queen of Hearts Coronation Night sa Cebu City Senior Citizens Alliance.  Haum kaayo sa ilang pagsaulog sa adlaw sa paghigugmaay. Hinaut nga mapatunhay usab nila ang panaghiusa.

Si Rep.  Bebot Abellanosa sa South District ning dakbayan maoy mikorona sa Queen of Hearts 2018, si Soledad Alce sa Barangay Guadalupe. Sa pakigpulong iyang gipahalipayan ang mga sakop sa Alliance ug giikag pagpadayon sa ilang mga kalihokan aron magpabiling buhi ug aktibo ang mga senior citizen.

Gipasidunggan usab ang mga dama: Erlinda Zafra sa San Nicolas Proper -  Queen of Service; Tessie Babiera, Inayawan – Queen of Involvement; Lucia Bontilao, San Jose – Queen of Unity; Ester Osorio, Basak, Pardo – Queen of Peace; Ma. Luz Dumasis, Mabolo – Queen of Hope.

Ang programa gibuksan pinaagi sa invocation ni Israel Ybañez, gisundan sa Pambansang Awit, giulohan nila ni Linda Batiquin ug Purita Ballaso. Dayon ang welcome address ni Engr. Ed Batiquin. Ang acknowledgement sa mga nanambong gihimo ni Pete del Mar. Nakahatag sa dugang kasadya ang mass dancing sa cha-cha, boogie, ug tango. Ang mga offerings gihimo nila ni Pete del Mar ug Jun Libre. Ang mga master of ceremonies, sila si Serge Cantones, Cherry Sayon ug Pete del Mar.

Ang mga opisyales: President: Guillermo Casinillo sa San Nicolas Proper; VP for Internal Affairs: Engr. Ed Batiquin, Pahina Central; VP for External Affairs: Val Olandria, Guadalupe; Secretary: Esper Viquizo, San Nicolas Proper; Treasurer: Perla del Mar, Zapatera; Auditor: Rodulfo Cabaluna, Basak, Pardo; PROs: Nene Orellano, Lahug, Paul Olivar, Inayawan, Teresita Dicdican, Calamba.

Board of Directors: Erlinda Casinillo, Carmencita Visto, San Nicolas Proper; Pete del Mar, Mabolo; Israel Ybañez, Quiot; Danny Laclac, T. Padilla; Teresita Dicdican, Calamba; Nena Manooc, Tinago.

Sa sinuwat ni Israel Ybañez, giulohan Lantaw sa Kahiusahan, siya nagkanayon: Sa unang mga panahon, ang tawo nga mag-edad nag 60, tawgon na’g tiguwang. Ang uban nga makadungog niini, mosakit ang lutahan.

Magpaabot na lang kanus-a tawgon sa panahon. Wala nay pagtoo nga aduna pa silay mahimo, mga gimbuhaton nga angayan atubangon.

Paghibalik ni Mayor Tom Osmeña sa gahom, natawo ang Cebu City Senior Citizens Alliance, ug nabuhi ang kadasig sa mga senior citizen, ubos sa pagpangulo ni Dodong Casinillo ug mga kauban, gipatunhay ang programang serbisyo, pagpakabana, ug kahiusahan.

Nasuta nga aduna pay mahimo ang katigulangan alang sa katilingban. Ug sa lingawlingaw, dili mabintahaan ang mga senior sa Alliance, maayo pang mokimbot-kimbot ug mokiay-kiay sa kalawasan.