Ang sugar free nga diyeta (1)
Gumikan sa kahaytik karon sa pagproseso sa mga produkto sa pagkaon, nga sagad ang tam-is, o asukar maoy gihimong nag-una nga ingrediyente nga nakatuhop na sa atong utok ang kalami niini nga kaonon. Aduna sa’y mga pagkaon nga tab-ang, nga inigsulod sa ginhawaan, iproseso kini sa lawas nga mahimong asukar.
Dili daotan ang pagkaon og tam-is o asukar, kay enerhiya o kusog kini nga gikinahanglan aron mobaskog ang atong lawas sa mga kalihokan. Apan sagad sa atong pagkahinam-is, nasubrahan na nga nadaot ang normal nga proseso aron unta kita mohimsog, naproblema hinuon ta’s mga komplikasyon tungod sa asukar.
Ang ‘sugarfree diet’ wa nagpasabot nga dili na ta makakaon og tam-is o asukar. Usa lang ni ka stratehiya o programa nga maangkon ang himsog nga asukar nga igo lang sa panginahanglan sa maayong panglawas. Atong bag-ohon ang estilo sa pagkaon ngadto sa pagpili sa makapahimsog kanato.
Kay ang asukar, adunay direkta nga maapektohan ang lawas kon kulang o masubrahan sa pagkonsumo niini. Ang asukar, makayabag sa prodaksyon sa atong mga hormones. Ang asukar, makapahangol o makaadik nga makapasamot og kaluya. Ang asukar makapaapekto sab sa atong emosyonal nga kahimsog ug dako’g tsansa nga kini mahimong tinubdan sa mga sakit. Ang ‘sugar free diet’ nagpokus kini sa dili pagkaon og asukar nga kemikal, ug pagkontrol sa ‘natural sugar’ nga igo lang sa lawas.
Mga resipe kini nga inanay pakgangon ang pagkahinam-is. Paglikay sa pagkaon nga sinambogan og asukar. Sa research didto sa Amerika, 4 ka dekada na ang nakalabay, nimenos na ang ilang konsumo sa asukar, apan naobserbahan nga taas gihapon hangtud karon, kay sagad anaa gihapon nakatumbok sa 388 ka kaloriya kada adlaw.
- Latest