Pabatan-on sa nawong

Wala pa’y sama kaepektibo niining duha ka ingrediyente nga mao ang lana sa lubi ug ang ‘baking soda,’ kay naghatag kini og kompleto sa natural nga paglimpyo sa nawong, aron pagwagtang sa indikasyon sa nawong nga mora og maklaro na ang atong pagkaedaran.

Gumikan kini kay nanganino na ang mga pinong badlis nga senyales sa pangpangunot sa nawong, ilabi na sa palibot sa mga mata ug sa agtang. Sagad, uga tan-awon nga daghang mga puntik o hugaw nga nanurok sa nawong. Ang impresyon niini, nawala na ang kahamis sa nawong sa atong kabatan-on.

Kining mga sangkap sa resipe, makapabuhi sa enerhiya sa mga lungag sa panit (skin pores), nga maoy responsable sa pagpahamis, nga panason ang mga bugas-bugas o ubang hinungdan sa pagkahugaw o pagkadaot sa panit, nga nagsinaw sa katambok, mora’g nanghuboy ang kunoton nga parte sa nawong.

Kon sensitibo ka og panit, kalkuloha lang ang proporsyon sa gidaghanon sa lana sa lubi ug sa baking soda (sodium bicarbonate) nga ang naandan 2;1. Ang aplikasyon kon unsaon paggamit, sayon ra kaayo. Imo lang sagolon pag-ayo kining duha ka ingrediyente hangtud nga mapasta o molaputay.

Unya, obserbahan ang paghidhid niini sa apektadong parte sa nawong, nga inanay nga pagaan lang hapyuron o masahean kini aron makatuhop ang solusyon. Niining paagiha, maablihan ang mga gagmay’ng lungag sa nawong diin nakatago kining gilumloman sa kadaot ang panit. Inighuman, pasagdi sulod sa dos minutos, dayon hilam-osan og igo nga maagwanta nga kainit sa tubig.

Buhata ni kausa kada adlaw, ug padayon usab sa pag-obserbar nga magkadugay, kalagmitan mahingangha kana lang sa maayong resulta niini, kay sigun sa nakasulay na niini, mobalik sa 20 ka tuig ang dagway sa imong kabatan-on.