Yehey!
Kini ang gisinggit sa mga estudyante sa dihang ilang nadungog nga na-postpone ang ilang kumpisal. Kini tungod kay naabtan na man sa oras. Ako pud sa hilom nalipay kay makapahuway gikan sa pagpaminaw sa mga sala nga wala dinhi ug wala didto. Apan simple ang mga bata. Makasala man tuod sila apan matinud-anon ug mapaubsanon silang niangkon niini. Kini tungod kay anaa pa nila ang ka inosente. Dili sama natong mga hamtong nga atong gikomplikado ang bisan unsang simple ug yano. Nalipay man tuod sila kay nakalingkawas sila sa taas nga linya sa pagkakaron apan ugma mobalik sila dinala ang ilang mga papel nga listahan sa mga salang nahimo ingon man ang kasingkasing ug hunahunang abli alang sa mga pagmaymay ug pagdasig sa pari nga giisip nilang mahinungdanon aron sila mabuotan ug mabag-o.
- Latest
