Amahan nga wa na’y trabaho gipangayoan og suporta
Dear Atty. Divine,
Duna ko’y pangutana may labot sa akong 4 years old nga anak. Dili mi kasal sa iyang amahan ug nagsuporta siya sa bata. Apan since last month, miundang siya paghatag og support tungod kay nataktak kuno siya sa trabaho.
Ang akong pangutana kon makapangayo ba gihapon ko og suporta sa amahan sa bata bisan kon wa siya’y trabaho? Daghang salamat. — Mica
Dear Mica,
Base sa balaod obligado nga mosuporta ang amahan sa bata. Ang kantidad sa suporta magdepende sa panginahanglan sa bata ug sa financial capacity sa amahan.
Sa kaso sa imong anak, nagsuporta ang amahan apan nahunong lang human siya nawad-an og trabaho. Kon duna kay proof nga may lain siya nga source of income, then pwede ka maka-demand og support sa bata.
Apan kon wa siya’y laing income, then dili ka kapugos niya until makakita siya og laing panginabuhian. Mas maayo nga imo sab siya nga hatagan og chance nga makapanarbaho, una ka mo-demand og support alang sa inyong anak. Thanks and God bless! — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest