Didto sa layong bukid may payag kami nga gamay

Kini ang ulohan sa kanta nga kanunay nakong madunggan matag adlaw nga Domingo kun maminaw na sa mga huni nga binisaya. Sa bukid anaa ang kamingaw peace of mind  ug ang kahigayonan nga imong makita ang imong kaugalingon sa imong pagka ikaw gayud. Kini ang nahitabo sa atong Ginoo. Nausab ang iyang dagway ug ang mga kuyog niya ang nakasinati sa Diosnong Himaya. Timaan nga ang maong kasinatian maoy sukaranan nga bisan kita diha sa atong pagka-kalibutanon ang mahimong makaambit sa himayang Diosnon. Kuyog nuon niini ang pag-antos ug pagsakripisyo. Kay walay Domingo sa pagkabanhaw kun di kita moagi sa Domingo sa pag-antos!