Mga gagmay lang ang napingwit

Gilabhan na usab ni Presidente Rodrigo Duterte ang Sugbo ug Central Visayas tungod sa grabe gihapon nga pagkuyanap sa negosyo sa ilegal nga druga dinhi.

Pabilin gihapon kuno ang Sugbo sa adunay taas nga ‘contamination rate’ sa tanang lugar sa nasud.

Nakita sa presidente nga mora’g wala mosaler ang gubat batok sa druga dinhi sa Sugbo ug rehiyon.

Kini ang hinungdan nga iya na usab nga gipahimangnoan ang otoridad dinhi, ilabi na ang kapolisan ug mga operatiba sa Philippine Drug Enforcement Agency.

Kini nga pamahayag ni Duterte dako nga hagit sa otoridad sa rehiyon ug ilabi na dinhi sa lalawigan sa Sugbo.

Tungod kay bisan pa man sa gipakusgan nga krusada batok sa gidiling druga, pabilin nga nag-una ang Sugbo ug Central Visayas sa mao nga problema.

Hinuon, in fairness sa kapolisan ug sa PDEA, kugi ang ilang operasyon matag adlaw batok sa druga dinhi sa Sugbo. Gani, daghang mga nalambigit sa maong ilegal nga negosyo ang ilang nasikop matag adlaw sa nagkalainlaing lugar sa probinsya.

Apan sa akong nakita, kutob lang sa gagmay nga mga isda ang nasikop sa atong otoridad niining ilang hugot nga kampanya.

Wala pa ko makabantay nga mipingwit sila og dagkong mga dealers ug traffickers sa shabu nga mao gyud ang source sa ilegal nga druga sa Sugbo.

Hinuon, adunay mga drug dealers dinhi nga napatay, nasikop o mitahan sa otoridad. Apan bisan pa man niini, mora’g wala mihiyos ang suplay sa gidiling druga dinhi sa Sugbo. Padayon gihapon ang pagsulod ug pagsirkukar niini sa lalawigan.

Dako gayud nga hagit alang sa otoridad ang pamahayag ni Duterte mahitungod sa naghitak nga druga sa Sugbo.

Ikaduha na kini nga warning sa presidente ug nga angay lang nga tinud-on pa nila ang paggukod sa mga tinubdan sa druga.

Wala man usab siguro nagmika ang kapolisan ug mga operatiba sa PDEA sa ilang pagpakigbatok niadtong nalambigit sa druga dinhi sa Sugbo. Apan daghan ang nakapaniid nga kulang pa ang ilang diskarte pagsumpo gayud sa tinubdan