Mga benepisyo sa luy-a (3)

Kasumpay sa pagpamenos sa panakit sa artraytis, magpabukal og 100ml nga tubig nga may mga hiniwang luy-a, sulod sa 10 minutos. Unya ihuwad kini sa tubig nga ikaligo. Inighuman dugangan o patud-an og pipila ka patak sa ‘ginger essential oil’.

* Migraine —  Epektibo sab nga pahupay ang luy-a sa migraine. Butangan lang ang agtang og pastado nga luya, nga sinagola’g diyutay’ng tubig-init ug ‘ginger oil’.

* Panormal sa ‘bloodglucose’ — Segun sa Australian scientist, ang luy-a makapaus-os usab kini sa ‘bloodsugar’. Kinahanglan nga kada adlaw mokaon gyud og luy-a, nga iapil isip inadlaw nga diyeta, aron pagkontrol sa glucose.

* Kabuhi (heartburn) — Niining kasoha, mas maayo imnon ang ‘ginger tea’.

* Proteksyon sa alzheimer — Kon dunay kaliwat niini, maayo nga iapil kini sa diyeta kada adlaw, aron magsilbi’ng proteksyon sa pagkaango-ango (Alzheimer).

* Hayblad ug kolesterol — Ang essential ginger oil, nagbaton ni og ‘antioxidant’, pawagtang sa mga panakit sa lawas, ug paus-os sa hayblad ug kolesterol.

* Imyun — Pampalig-on kini sa sistema sa atong imyun, nga dili basta madutlan og mga sakit. Imbes medikasyon, mas maayo imintin nga iapil sa diyeta ang luy-a.

* Kasingkasing —Palig-onon sa luy-a ang kasingkasing. Nakabarang kolesterol sa kaugatan/arterya kanunay hilison. Busa mokonsumo gayud permi og luy-a.

* Bato sa kidney —Pulpogon sab sa luy-a ang bato sa kidney. Naila ang luy-a nga epektibo nga pang-alibyo sa mga problema sa kidney.

* Pampainit sa lawas — Aron pagminten sa lawas nga alkalina (alkaline body), ang pagkonsumo og luy-a kada adlaw, maoy usa sa gikinahanglan.

* Danlak — Ang paghubag sa itlog sa lalake, makatabang ang ginger essential oil nga haplasan niini, ug mopamenos sa risgo o pagsuporta nga kalikayan kini.