Mapugos ba ang tag-iya sa buli sa pagpaputol niini?
Dear Atty. Divine,
Ang among silingan duna’y dako nga punoan sa buli. Nabalaka ko kon matumba ni attorney, kay basin og adto ni mahagba sa among balay kay naa man mi duol sa punoan.
Gisultian na namo ang among silingan nga ipaputol kining maong buli, apan wa man siya’y gibuhat? Unsa’y angayan namo nga buhaton? Mapugos ba namo siya sa pagpaputol niini? Daghang salamat. — Lino
Dear Lino,
Base sa Article 483 sa atong Civil Code nga kon adunay dakong punoan sa kahoy nga nakahatag og peligro sa publiko, o sa mga silingan, ilabi na kon hapit na kini nga matumba, obligado ang tag-iya sa kahoy nga mogasto sa pagpaputol niini.
Apan kon imo na nga gisultian ang tag-iya ug wa siya’y gihimong lakang, then mahimo nimo siya nga ireklamo ngadto sa barangay aron adto mo maghusay.
Mas maayo gyud nga ipaputol kana kay kining buli ra ba, mokalit lang na og katumba, ilabi na kon karaan na, so mas maayo nga imong hangyuon ang barangay nga motabang kanimo paghangyo sa tag-iya aron ipaputol na kini. Thanks and God bless.-Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo
- Latest