Posibleng makiha og Bigamy
Dear Atty. Divine,
Naminyo ko two years ago, ug ang akong husband usa ka seaman. Duna mi usa ka anak. Karong bag-o, dihang miuli ang akong bana, nakadawat mi og summon gikan sa barangay. Ang mireklamo niini usa ka babaye nga mi-claim nga kasal siya sa akong bana walo ka tuig na ang nakalabay ug duna sila’y duha ka anak.
Nakurat ko kay matud sa akong bana nga dugay ra sila nga nagbuwag ug sa iyang first wife, apan wa ma-annul ang ilang marriage. Nahadlok ko nga mopasaka gyud og kasong Bigamy ang first wife batok kanako ug sa akong bana.
Unsay angay namong buhaton? Maapil ba ko sa pagkiha og Bigamy? Daghang salamat. — Lyra
Dear Lyra,
Kon wa pa ma-annul ang first marriage sa imong husband ug nagpakasal siya pag-usab kanimo, mahimo gyud siyang mapasakaan og kasong Bigamy sa iyang first wife, ug posible pa nga ilakip ka sa pagkiha niini.
Apan kon wa ka masayod labot sa first marriage sa imong bana, then magamit kini nimo isip depensa. Base sa balaod, bisan kon ang magtiayon nagbuwag na sa dugay’ng katuigan apan wa ma-annul sa korte ang ilang marriage, then sa mata sa balaod pabilin silang minyo ug dili unta sila mahimong magpakasal pag-usab.
Ang maayong buhaton sa imong bana mao ang pagpakig-estorya sa iyang first wife ug paghangyo kaniya nga dili ipadayon ang iyang pagpasaka og reklamo ug angay lang nga suportahan sa imong bana ang iyang mga anak sa first wife. Thanks and God bless.- Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
- Trending