Illegitimate children gustong mo-claim

Dear Atty. Divine,

Ang akong manghod dunay kaipon kaniadto, ug may duha sila ka anak. After 5 years, gibiyaan siya sa iyang live-in partner ug among nadiskobrehan nga minyo diay ang lalaki og mibalik sa iyang unang pamilya.

Ang mga bata nigamit sa apelyido sa ilang amahan kay gi-acknowledge man sila ug gisuportahan sab sila. Karong bag-o gipahibawo mi sa iyang amigo nga namatay ang papa sa mga bata human kini na aksidente.

Amo sab nga nahibaw-an nga adunay mga property nga napundar ang ilang amahan kay negosyante man to siya. Ang akong pangutana kon maka-claim ba og share ang mga bata nga illegitimate niyang anak? Unsa’y angayan nga buhaton sa akong sister? Daghang salamat. —Lina

* * *

Dear Lina,

Base sa balaod, ang mga illegitimate children adunay katungod nga mo-claim og share sa kabilin sa ilang amahan o inahan, basta ang mga bata gi-recognize lang sa papa. Sa kaso sa mga anak sa imong igsuon, kon gi-acknowledge sila sa ilang amahan pinaagi sa pagpirma sa mga birth certificates niini ug gani ang apelyido sa ilang amahan ang ilang gigamit, then maka-claim g’yud sila og share sa kabilin sa ilang papa. Base sa balaod ang share nga makuha sa mga illegitimate children katunga lang sa share sa legitimate children. Ang maayong buhaton sa imong sister, moadto siya sa abogado aron matabangan siya sa pagkuha sa share sa iyang mga anak, ug aron sab mapahibawo ang unang pamilya nga adunay mga illegitimate children ang namatay. Thanks and God bless!- Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.