Mipalit og yuta pinaagi sa data-data

Dear Atty. Divine,

Ang akong gipuy-an nga yuta gitanyag sa tag-iya nga ibaligya kanako. Nagkasabot mi nga ako lang data-datahan matag buwan hangtud nga ma-fully paid.

Nagsugod nako niya paghatag sa akong down payment apan  gihatagan ra ko sa tag-iya og acknowledgment receipt, valid ba ning acknowledgment receipt?

Inigka-fully paid na kuno mi magpirmahanay og kasabutan. Husto ba siya atty? Daghang salamat. - Romeo

* * *

Dear Romeo,

Mas maayo nga aduna g’yud mo’y pirmahan nga Deed of Conditional Sale labot sa property nga imong gidata-datahan  alang sa imong protection.

Sa inyong Deed of Conditional Sale, inyong ilatid ang mga terms and conditions niini kon pila ang purchase price, pila ang imong bayran monthly, ug kon pila ka tuig nimo impason ang pagbayad.

Kinahanglan nga notarized ang maong dokumento aron kon pananglit adunay mahitabo sa seller, at least, dili maka-deny ang mga heirs labot sa inyong gipirmahan nga kasabutan. Kon ma- fully paid na ka, then that’s the time nga magpirmahanay mo og Deed of Absolute Sale aron imong ma-process ang pag-transfer sa portion nga imong napalit ngadto sa imong pangalan. Thanks and God bless! -Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong  pangutana pinaagi sa akong column matag Miyerkules, Sabado  ug Domingo.