Maka-claim ba sa SSS benefits ang asawa kon buwag na?
Dear Atty. Divine,
Ang akong igsuon nga lalaki namatay ug duna kini duha ka anak nga menor de edad. Ang mga bata ania kanako karon kay nagbuwag man ang akong igsuon ug ang iyang asawa two years ago, sa wala pa kini mamatay.
Ang iyang asawa may lain na nga kapuyo. Member sa SSS ang akong igsuon. May madawat ba nga SSS benefits ang mga anak sa akong igsuon? What about ang iyang asawa nga nagbuwag na man sila? Unsa’y angayan namo nga buhaton aron sa pag-claim sa SSS benefits? Daghang salamat. - Lydia
* * *
Dear Lydia,
Base sa SSS law, kon ang SSS member nga namatay naka-contribute og at least 36 months prior sa semester sa iyang pagkamatay, ang iyang mga primary beneficiary makadawat og pension. Base sa balaod, ang mga primary beneficiary naglakip sa legal spouse ug mga anak nga below 21 years old, provided nga ang surviving legal spouse, dependent sa namatay nga SSS member.
Sa kaso sa imong igsuon, ang iyang duha ka anak mahimong makadawat og pension kon nakaabot og 36 months prior sa iyang pagkamatay ang iyang SSS contribution.
Sa kaso sa iyang asawa, considering nga buwag na sila, then dili na kini mo-qualify kay dili na man siya matawag nga dependent sa imong igsuon kay aduna na man siya’y laing kapuyo.
Ang maayo nimo nga buhaton mao ang pag-adto sa SSS aron sa pagpangayo kanila og requirements alang sa pag-claim sa SSS benefits sa duha nimo ka pag-umangkon. Thanks and God bless! -Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
