Yuta sa asawa magukod ba sa giutangan sa bana?

Dear Atty. Divine,

Duna ko’y na-inherit nga 200 square meters nga yuta gikan sa akong mga ginikanan. Nabalhin na kini sa akong pangalan. Karong bag-o ang akong bana gipadad-an og demand letter sa iyang giutangan nga lending. Sugarol man gud kining akong bana ug karon mihulga ang lending company nga ilang kuhaon ang akong yuta kun dili makabayad ang akong bana sa iyang utang. Ang akong pangutana, mapugos ba ko sa korte sa pagtahan sa akong yuta aron ibayad sa utang sa akong bana? Unsay maayo nako nga buhaton? Daghang salamat.— Lina

Dear Lina,

Kun duna kay dokumento nga ikapakita nga magpamatuod nga ang maong property dili conjugal, kun dili, imo kining exclusive property ug na-inherit gikan sa imong mga ginikanan, then dili makapugos ang lending company nga giutangan sa imong bana pagkuha sa maong property bisan kun sila modangop pa sa korte. Base sa Article 92 (1) sa Family Code of the Philippines kini nagkanayon nga: “property acquired during the marriage by gratuitous title by either spouse, and the fruits as well as the income thereof, unless it is expressly provided by the donor, testator or grantor that they shall form part of the community property, is excluded from the community property.” Ang maayo nimong buhaton kun ugaling modangop sa korte ang lending company ug ilang i-attach ang imong property, mao ang pagsupak niini ug pagpresentar sa korte og mga ebidensya pagprobar nga paraphernal ang maong property kay imo kining na-inherit sa imong mga ginikanan, busa dili kini angay’ng gamiton sa pagbayad sa utang sa imong bana kay exclusive kini nimo nga property. Thanks and God Bless.- Atty. Divine

 Alang sa imong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.