Asawa ipadeklarar nga patay na

Dear Atty. Divine,

Naminyo ko niadtong 2005 ug usa ka buwan human sa among kasal mibalik sa Saudi Arabia ang akong asawa kay didto man siya nagtrabaho isip nurse. Matag tuig ra siya mopauli hangtod niadtong 2010. Pag 2011, wa na siya mopauli ug wa na sab mokontak nako. Nangutana ko sa iyang pamilya ug kahigalaan kun nasayod ba sila unsay gidangatan sa akong asawa, apan wa na sab kuno sila’y balita. Wa mi anak attorney. Niadtong 2014, may babaye ko nga nakaila ug nahimong hinigugma. Gusto unta nako siyang pakaslan. May nitambag nga modangop ko sa korte ug ipadeklarar nako nga patay na ang akong asawa aron ko makaminyo pag-usab. Ang akong pangutana attorney, kun mahimo ba kini nako nga buhaton? Unsay lain nako nga option? — Noel

Dear Noel,

Base sa Article 4119 sa atong Family Code, mahimo ang present spouse nga mo-file sa korte og petition for declaration of presumptive death of the absentee, kun ang kapikas na-missing sulod na sa upat or duha ka tuig, ug adunay posibilidad nga namatay na, kini aron makaminyo pag-usab ang nahibilin nga kapikas. Busa gikinahanglan ang pagdeklarar sa Korte nga patay na ang na-missing niya nga bana or asawa aron ang nahibilin mahimong makaminyo pag-usab. Apan aduna kini mga rekisitos. Base sa desisyon sa Korte Suprema sa Republic of the Phils., vs. Tampus, ang upat ka rekisitos mao kining mosunod:: (1) that the absent spouse has been missing for four (4) consecutive years, or two (2) consecutive years if the disappearance occurred where there is danger of death under the circumstances laid down in Article 391 of the Civil Code; (2) that the present spouse wishes to remarry; (3) that the present spouse has a well-founded belief that the absentee is dead; and (4) that the present spouse files a summary proceeding for the declaration of presumptive death of the absentee”. Sa ato pa, kinahanglan gyud ang “well founded belief” nga siya patay na, like na-missing siya kay gidagit or na-missing ang eroplano or barko nga iyang gisakyan ug uban pa nga mga susamang circumstance. Kun naa ka niana nga proof, then puwede nimo siyang ipadeklarar nga patay na. Samtang ang lain nimong option mao ang pagpa-Annul sa inyong kaminyuon kay kun maaprobahan kini sa korte mahimo man ikaw nga makaminyo pag-usab. Mas maayong moduol ka og abogado aron matun-an ang imong kaso. - Atty. Divine