Ang gatas sa inahan

Angay kitang masayod nga ang gatas sa usa ka inahan maoy adunay maayo o kinatas-ang kalidad, nga perpekto alang sa masuso, kun ikumpara sa ubang tinubdan sa gatas.

Kay magsilbi kining natural nga bakuna sa masuso sa iyang unang semana sa pagkahimugso. Aron palig-unon ang sistima sa imyun niini nga di dali mataptan sa mga sakit. Nga magdako nga himsog.

Ang inahan usab, ning higayona angay kanunay abunda sa protina gikan sa tanom, prutas, isda ug ubang di mantikaon o tambok. Hinuon ang kalidad sa gatas sa inahan, dili man mausab. Apan menus o diyotay ra og gatas ang mahatag sa masuso.Magkasakit na hinuon kini nga kulang sa gatas.

Bisa’g may trabaho ang inahan, una mogikan sa trabaho, pasus-on gayud ang bata sa gatas sa inahan. Unya ulion sa udto pasus-on na pud apan bombahan una kadiyot basig may mikrobyo, sa paglikay maimpeksyons ug aron sad dili sakit nga tutyan, kay nigahi man ang suso nga puno sa gatas.

Dili maayo isalig ang masuso sa mga gatas nga pormularyo kay di man tanan makaangay ang masuso, nga sagad ma-alergy o may moturok nga dili maayong sintomas. Hinuon, puwede man ang ubang gatas apan dili biyaan sa gatas sa inahan. Seguroa lang ang klase sa pinulbos nga gatas – dili risgo sa kahimsog sa masuso, kay duna ni gihaom mga pormularyo mag-agad sa edad.

Kun wala gyu’y gatas ang inahan, gikinahanglan na ang rekomendasyon sa doctor nga maoy nag-atiman sa pagpanganak. Kay kritikal ang masuso sa iyang unang mga adlaw, nga kahatagan gyud og hingpit nga pag-asikaso ang masuso. Aron sa pag-anad sa alternatibong gatas nga di gikan sa inahan.