Iksakto si Miriam, Cha-cha ang gikinahanglan!

Morag nagkasabut mi si Senador Miriam Santiago. Ang solusyon niining tanang nahitabo karon sa atong nasud nga naghitak ang corruption, triggered by the pork barrel scam, mao ang paghimo’g kausaban sa Constitution, kon Cha-cha.

Unya, i-specific ang mga changes – sama sa pagdili na sa lump sum appropriation for the pork barrel system. Kay sa ato nang gibalikbalik dinhi, ang pork barrel scam epekto lamang sa kahuyang sa atong sistima.

Sa ato pa, kun mausab, ug mapalig-on ang Sistma, bisa’g duna pay pork barrel, maglisud nag pangawat ang mga kiriwan og kamot sa gobyerno. So, adto ta sa root cause, which is the System, ug automatic nga matarong na ang epekto.

Again, it’s the System … not the people. Suma kadaghan na tag ilis-ilis og Presidente, mga sakop sa Kongreso, mga gobernador ug mayor – apan, nagpabilin ug migrabe ang corruption. Kini, gumikan sa atong Sistima. So, let’s change the System.

Si Miriam misugyot nga ibutang sa Constitution nga kadto dang mga taxpayers ang hatagan og gahom pagbotar. Alang nako, dili man ni discrimination. Ang tuyo mao nga maka-produce kita’g intelligent voters, dili mapalit, dili magpasagad – aron ang mudaog kadto rang mga qualified ug dili ma-question ang  pagkatawo.

Dili sama karon nga ang basihan sa pagbotar sa majority sa atong mga pumipili, mao ang kwarta ug popularity … sa walay pagsuta sa isyu, sa katakos ug sa kaligdong sa mga kandidato.        Sumaa, kinsa may nagbutang kanila diha sa Kongreso? Kita. So, diha ta nasayop. Nasayop kita pagpili nila. Nasayop kita tungod kay nagpapalit man ta. Gumikan sa atong sayop, mi-epekto kini, among others, sa pork barrel scam.

So, akong usbon, let’s change the System now. Maayo karong panahona, tungod kay alang nako, walay hidden agenda si NoyNoy. Kun lain na unya ang maglingkod sa Malacañang, kuyaw na.

Dugay na kaayo ang isyu sa pork barrel. Dugay nang nagpahimus ang mga kiriwan og kamot ini.  Apan, ato lang ning gipasagdan. Maayo man gani kay na-Presidente si Noynoy. Kun lain pa ang nakadaog sa miaging presidential election, matuki kaha ang isyu sa pork barrel?

* * *

Si Comelec Commissioner Lui Guia misugyot paghimog kausaban sa Election Code, particularly bahin sa provision ini nga nagbuot nga ang mga LGUs maoy mo-provide og mga buhatan sa mga field offices sa Comelec.

Tinuod, gumikan ini, makautang og kabubut-on ang mga Comelec registrars sa lalawigan ug sa mga dakbayan ug kalungsoran. Ug sigun sa mentality sa local officials, mahimo nga ma-subjected sila sa harassment, ug ma-influenced ang ilang mga desisyon.

Matud pa, duna konoy mga buhatan sa Comelec nga nahimutang duol sa comfort rooms, ang uban walay klarong suga, ug dili airconditioned. Sa ato pa, mora’g gidaugdaog.

So, kinahanglan i-review ang maong balaud.  Bitaw!