Ang SK bay tukma nga forum pagbansay alang sa maayong pagpangagamhanan?

Alang sa kadaghanan, tubag sa pangutana, dakung dili. Hinungdan nga daghan ang nagpasiugda alang sa pag-abolish sa SK. Kini tungod kay, among other reasons, ang SK gihimong tools sa tadhan nang mga politiko pag-advance sa mga politikanhong tinguha.

Sa ato pa, sayo rang makakat-on ang atong mga batan-on, gikan sa karaan ug hamtong nga mga politiko, sa kahugaw sa politika sa atong nasud. Ug kinsa man sila nga molinis sa atong political system? Kasagaran kanila gigamit pagpalambo sa dynasty.

Unya, ang main concern sa mga teenager mag-edad og 15 ngadto sa 17, mao ang pagtungha. Sa ato pa, dili maka-fulltime sa ilang mga pag-alagad. Kini ug daghan pang mga justification pagpa-abolish sa SK.

Gamay’ng background una. Giimbinto ni Marcos ang Kabataang Barangay (KB) pag-accommodate sa iyang anak, si Imee, ang unang Presidente sa KB. Nganong si Imee man gyud, mangutana ka? Tubag: kinsa man diay, si Kris?

Hinoon, in fairness ni Imee, si Rey Gamboa, sa iyang column sa PhilStar, nagkanayon:

“Imee proved she was capable of accomplishing many projects, including livelihood, sports,  culture, and training programs to prepare the youth to take on government service.” Natural, presidente gyud iyang papa.

 After Marcos, na-abolish ang KB. Gitukod ni Cory ang Presidential Council for Youth Affairs (PCYA), “to coordinate with youth federations.” Apan, pipila sa mga magbabalaud gusto gyud nga malakip ug masulod sa political system ang kabataan, hinungdan nga namugna ang SK.

Karon, unsa man, i-abolish ang SK, o i-retain, apan, himoan og mga drastic reforms. Unsaon man?

* * *

Si Alex Magno, sa iyang column, miingon nga ang single biggest hindrance to our economic development, mao ang atong Constitution. Hinungdan nga daghan ang mibuot nga kini i-amend. Mag-Cha-cha kita.

Duha ra kuno ka tawo (gawas ni Noynoy)  ang supak sa constitutional reforms … sila si Edwin Lacierda ug Abigail Valte, mga tigpamaba ni Noynoy, kay kuno walay urgent nga mga hinungdan nga mag-Cha-cha.

Kita ra, sa tibuok kalibutan nga nag-“constitutionalized” sa mga economic policies nga unta, iya kini sa mga magbabalaud … sa legislature. Hinungdan nga kun buot kitang maghimo’g kausaban sa atong mga economic policies, ato unang i-tinker ang Constitution. Dili ni mao. Dili ni husto.

Mao nga atong gikalipay nga si House Speaker Feliciano Belmonte Jr., waa maminaw nilang Lacierda ug Valte, mipasaka’g balaudnon nga mitawag sa Senado ug sa Lower House pag-introduce og  “single phrase amendment” sa atong Batakang Balaud.

Ang “single phrase amendment” magbalhin sa economic policymaking gikan sa Constitution ngadto na sa Kongreso. Sa ato pa, makahimo na unya kita’g kausaban sa atong mga economic policies, sa dili pag-tinker sa atong Constitution. Mao ni ang husto.