Dakila ang pag-ibig
ANG Diyos ang lumilikha sa atin tuwina, tulad ni Jeremias ay itinalaga rin tayo ng Panginoon. Bago pa tayo ipaglihi ay kilala na tayo sapagka’t Siya ang lumikha at nag-iingat sa atin. Lahat ng ating kakayanan ay itinalaga ng Diyos.
Ayon sa Salmo: “Patuloy kong isasalaysay ang dulot mong kaligtasanâ€. Ang Diyos ay pag-ibig, kaya’t hinihimok Niya tayo upang maging matiyaga, magandang-loob at huwag mananaghili, mapagmapuri, mapagmataas at huwag tayong magkaroon ng magaspang na ugali,
hindi makasarili, magalitin o mapagtanim sa kapwa. Iwasan natin ang isip bata o magsalita tulad sa bata. Ngayong tayo ay may sapat na gulang, iwan na natin ang mga isip at asal-bata.
Sa pag-ibig sa atin ng Diyos ay sinugo Niya ang anak Niyang si Hesus hindi lamang para sa Kanyang mga kababayan (Israel) kundi para sa lahat ng tao sa sanlibutan. Nagmula si Hesus sa Nazaret subalit walang kumilala sa Kanya. Kadalasan ay walang propeta ang
kinikilala sa sariling bayan kundi sa ibang lugar, ang buong daigdig.
Manatili sa atin ang tatlong antas ng buhay: Ang pananampalataya, pag-asa at pag-ibig at ang pinaka-dakila sa lahat ay ang pag-ibig. Sa pag-ibig sa atin ng Diyos ay sinugo Niya ang Kanyang Bugtong na Anak hindi lamang para sa Kanyang mga kababayan kundi para
sa lahat ng tao. Kadalasan ay walang propeta ang kinikilala sa sariling bayan. Maging si Hesus ay naranasan ang sinabi ng isang propeta subalit kung hindi Siya tinanggap sa sariling bayan ay kinilala at sinampalatayanan naman Siya sa lahat ng lugar sa buong daigdig.
Isapuso natin at isabuhay ang tunay na pag-ibig sapagkat ang Diyos ay pag-ibig. Pebrero na ngayon, buwan ng pag-ibig. Idalangin natin na ang pag-ibig na ipagdiriwang ay hindi makalupa at init ng katawan kundi ang paggalang sa kahalagahan ng buhay.
Jer 1:4-5, 17-19, Salmo 79, Cor 13:4-13 at Lk 4:21-30
- Latest