EDITORYAL - Mga kabus angay’ng molihok

Sa iyang pagdepense sa Value Added Tax (VAT), si Mayor Tomas Osmeña nagkanayon nga dili husto nga tungod lang kay kabus ang usa ka tawo, librehon na lang siya sa tanang butang.

“I don’t think it’s right to have a culture where people are told that (because) you are poor everything should be free. I don’t think that’s correct,” matud sa mayor.

Usa ka magbabasa miuyon sa gisulti sa mayor. Sa iyang email ngadto sa publisher  sa Banat News ug The Freeman, si Pax Lumenada nagkanayon nga husto si Mayor Osmeña.

Matud niya wa gyuy kaayuhan nga moabot sa nasud ug mismo sab sa mga kabus kun kining mga kabus di molihok ug magpaabot lang sa hinabang sa gobiyerno.

Tinuod kitang mga kabus angay nga molihok. Ang Ginoo miingon: “Lihok tawo kay tabangan Ko Ikaw.”