Ambisyoso’y naglabasan
Marami na ngayong gusto’y mag-presidente
Nitong bansa nating dumarami ang mga pulubi;
Ang mahusay lamang
At hindi ang sobrang galing – masama ang ginagawi!
May kung ilang pangulo na ang sa bansa ay namuno
Nguni’t sila sa totoo sila’y pawang nangabigo
Na ang ating Inang Bayan sa dalita ay mahango
At ang bansa ay umangat – umunlad ang Pilipino!
Mahigit pang dalwang taon bago tayo maghalalan
Kandidato’y bumandera na sa TV at pahayagan;
Ngalan nila’y ,maningning pa sa matinding kahirapan
Na ngayon ay binabata nitong ating mamamayan!
Sa loob ng mga taong kayo’y nasa p’westo
Ang gagawin na lang ninyo ay tanging magplano –
Kung paano lulustayin ang salapi ng publiko –
Upang kayo ay magwagi at sa bansa ay mangulo!
Di na kayo mag-iisip na ang bansa ay hanguin
Sa matinding kahirapang ang may gawa ay kayo rin;
Kayo’y mga kandidatong ngayon pa lang ang layunin
Kayo’y maging presidenteng sarili lang ang mithiin!
Naging mga pangulo na’y gusto pa ring mag-candidate
Ang nagawang kamalian na sa baya’y nakasakit
Upang kami’y makabotong ang hangarin ay malinis!
Paano na ang problema nitong ating sambayanan
Na ngayon ay naghihintay ng magandang kasagutan
Sa problemang binubuno nang dahil sa nagtaasan –
Ang presyo ng pamilihin sa nayon at kabayanan?
Solusyon bang masasabi ang hangarin ng Senators
Na ngayon pa’y magkampanya sa hinangad na posisyon?
Solusyon ba na limiin nitong ating mga solon
Kung sino ang kakampihan sa darating na eleks’yon?
Ambisyon ng pulitiko makuha ang gustong p’westo
Kaya ngayon pa lang sila’y nagnanais na manalo;
Pero pa’no naman kaya ang hirap ng mga tao
Malunasan kaya nila kung sila na ang pangulo?
Kung sa Senate at Lower House score ninyo’y puro bokya
Kung naroon sa Senado kayo kaya’y may maggawa?
Ngayon pa lang sa posisyon lahat kayo’y kandarapa
Eh paano ang tungkuling sa Kongreso’y di nagawa?
- Latest
- Trending