^

Habang ang ibang bansa ay pasulong tayo naman ay paurong

BANAT NI BATUIGAS - Bening Batuigas () - February 1, 2004 - 12:00am
MAGKAKAROON ng isang malawakang kilos-protesta ang mga sectoral, cause-oriented at partylist groups sa linggong ito para iapela sa Supreme Court na baligtarin ang desisyon nito na ibasura ang automation o modernization ng May 10 elections. Pipilitin din nilang makaharap si Presidente Arroyo para mailahad sa kanya ang agam-agam nila na magiging magulo o madugo na naman ang darating na halalan kapag bumalik na naman tayo sa manual counting na nagdulot ng maraming problema sa mga nakaraang electoral exercises. Matatandaan na ipinawalang-bisa ng Supreme Court ang kontrata para sa automation ng nalalapit na elections bunga sa hindi raw na-observe ang proper procedures sa bidding nito, he-he-he! Marami talaga ang ayaw na umunlad ang bansa natin, di ba mga suki?

Sinabi ng Asalam Moro Party list group na ang bansa natin ay umatras na naman ng ilang milya dahil sa desisyon ng Supreme Court. Sinabi nila na sa pagbabalik sa manual counting, hindi nalalayo na magkaroon na naman ng dayaan at ang magiging kawawa ay ang mga maliliit na kandidato na walang kayang magbayad tulad ng mga poll watchers. Kung sabagay, mahigit 50 years na tayong gumagamit ng manual counting at hindi pa kaya nagsawa ang mga opisyales ng gobyerno at politicians natin sa makalumang pamamaraan? Tanong ng Asalam Party list group. Aba, me punto rito ang Asalam Party list, di ba mga suki? Ba’t pa tayo babalik sa old age eh nakarating na nga ang Spirit at Opportunity sa Mars? He-he-he! Habang ang ibang bansa ay pasulong, tayo naman ay paurong dahil sa desisyon ng SC, di ba mga suki?

Maliban sa Asalam Party list group, ang iba pang samahan at grupo na sasabak sa kalye sa linggong ito ay ang ASAP, MakaBansa, Alyansa ng Sambayanan Para sa Pagbabago at Mamamayang Kabalikat sa Bansa. Ayon sa kanila, may pag-asa pa na magbago ang isip ng ilang Hukom dahil sa dissenting opinion nina Chief Justice Hilario Davide at Justice Dante Tinga kung saan pinaboran nila ang kontrata na pinasok ng Commission on Election sa poll automation nga. Ayon kay ASAP chairman lawyer Ernesto Arellano ang decision ng SC ay "beyond the legislative boundaries and that the High Court should merely interpret the law." Ayon naman kay pro-automation councilor Joel Badong ng Baao, Camarines Sur, sa pagbabalik natin sa manual counting ang tiyak lang niyan ay magkakaroon na naman ng maraming anomalya tulad ng dagdag-bawas na mahirap pigilin. Kung ang mga nakaraang elections ay madugo, tinitiyak din ni Badong na mas lalong magiging magulo ang darating na elections dahil sa kasalukuyang political at lumalalang peace and order situation ng bansa. Hay naku! Ang gulo talaga no?

Pero hindi nawawalan ng pag-asa ang mga grupong pabor sa automation. Sa tingin nila, sa pamamagitan ng kanilang kilos-protesta, mabubuksan nila ang isipan ng ating mga Hurado at baligtarin ang kanilang desisyon tungo sa automation ng nalalapit na elections. Kung sabagay, nag-file na ang Comelec ng motion for reconsideration sa kaso. Magkita-kita tayo sa kalye sa susunod na mga araw!

ASALAM MORO PARTY ASALAM PARTY AYON BANSA CAMARINES SUR CHIEF JUSTICE HILARIO DAVIDE ERNESTO ARELLANO HIGH COURT SUPREME COURT
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with