^

Opinion

Pinugsanay nga pag-atubang

ARANGKADA - Leo Lastimosa - The Freeman

Ang usa ka kasarangan nga kihante mamalihug ug motabang pa gani sa iyang abogado sa paghipos og mga ebidensiya ug pagtuon sa mga balaod ug susamang mga kaso nga makapalig-on sa gipasaka nilang kaso. Apan kon anak sa presidente ang kihante, suguon lang niya ang kapolisan.

 

Mao nang naduhig ko sa mga kasong sibil ug kriminal nga gipasaka ni kanhi Davao City vice mayor Paolo Duterte batok sa mortal niyang kaaway nga si Senador Antonio Trillanes IV. Isip usa sa labing unang nasampolan sa bag-ong gahom sa Criminal Investigation and Detection Group (CIDG).

* * *

Niadtong Marso 1 niining tuig, gipirmahan ni Presidente Rodrigo Duterte, ang amahan sa kihante, ang Republic Act 10973, nga niusab sa Local Government Code ug nihatag og gahom sa pagluwat og supina sa hepe sa Philippine National Police ug sa hepe sa CIDG.

Bisan kinsa nga luwatan nila og supina di makabalibad. Ang kapakyas pagtuman sa subpoena ug subpoena duces tecum mahimong sukaranan sa pagpasaka og kaso nga indirect contempt ubos sa mga lagda sa hukmanan atubangan sa Regional Trial Court. Mao nga napugos ko og atubang sa CIDG. Kaduha na.

* * *

Sa unang supina, gisugo ko nila pag-adto sa CIDG-7 sud sa Kampo Sotero Cabahug nga mao say nahimutangan sa Cebu City Police Office niadtong Hulyo 27 karong tuiga uban sa kopya sa recording sa akong interview ni Trillanes sa Arangkada sa dyAB niadtong Septiyembre 8, 2017. Nitunga ko sa gitakdang adlaw ug nipahibawo nila nga napapas na ang recording sa interview 10 ka buwan na ang nilabay.

Apan giluwatan ko og ikaduhang supina ug gimandoan pagtahan g’yud sa recording. Nibalik ko sa CIDG-7 niadtong Biyernes ug nibalibad na sab. Gipahimo na ko nila og affidavit.

* * *

Nakasabot kong di kabalibad ang kadagkoan sa CIDG sa anak sa presidente. Wa kong kahibawo ila na ba kong lung-an o luwatan na sab og ikatulo ug mas isog nang supina. Kapila man ko magbalik-balik og balibad una sila moundang pagpugos nako pag-atubang nila?

Ug unsa may garantiya nga di sakyan sa ubang mga kihante ang bag-ong gahom sa CIDG aron pagpanghasi sa mga sakop sa media ug ubang may atraso nila?

vuukle comment

PAOLO DUTERTE

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with