Catriona, Puerto Rico ang matinding kalaban?

Kumalat kahapon na si Catriona Gray ang nanguna sa preliminary round ng Miss Universe na gaganapin na ang coronation bukas sa Bangkok, Thailand.

Sinundan diumano siya ni Miss Pureto Rico pero dikit daw ang score, by points.

Pero walang official statement ang Miss Universe sa nasabing kumalat na score board.

Pero si Catriona tuloy ang panghihingi ng dasal. “Please continue to pray for me,” tweet niya nung isang araw.

Todo rin ang pakiusap niya na kailangan pang mag-ingay bilang goodluck sa kanya. “Blessed day, Everyone! Let’s make noise in Philippine trends!Just retweet this tweet, As a goodluck for me! #MissUniverse #MissPhilippines #CatrionaGray.”

Actually nang i-check ko, ang dami niya palang account na nagsulputan sa lahat ng social media platform pero tiyak iisa ang misyon, ang manalo siya.

Magiging malungkot daw kasi ang Pasko ng mga Pinoy pag hindi siya nagwagi.

Goodluck Catriona.

Mapapanood ang Miss Universe live sa ABS-CBN, 8:00 bukas ng umaga.