Mojdeh nakaisang ginto sa Korea meet

MANILA, Philippines — Humirit kaagad ng gin­tong medalya si Mica­ela Jasmine Mojdeh sa opening dayng Asia Pa­ci­fic Activities Confe­rence (APAC) Swimming Championships sa Seoul Foreign School sa Seoul, South Korea.

Pinatunayan ni Mojdeh ang pagiging water beast ni­to matapos mangibabaw sa girls’ 200m Individual Medley kung saan nagrehistro siya ng dalawang mi­nuto at 22.05 segundo.

Inilampaso ng Brent In­ternational School ace swimmer sina Hong Kong International School tan­kes Annika Chu na nagtala ng malayong 2:24.03 para sa pilak at Angelina Ching Nga So na may 1:28.94 sapat para sa tanso.

“It’s my first time competing in APAC and I am happy that I improved again my times.  I am thankful to see familiar faces here. Even in this cold weather the APAC vibe is full of warmth,” ani Mojdeh.

Nakahirit pa si Mojdeh ng tansong medalya sa girls’ 100m freestyle sa na­irehistro niyang isang minuto at 0.90 segundo sa torneong nilahukan ng iba’t ibang bansa kabilang na ang China, Canada at host South Korea,

Nanguna sa naturang event si Audrey Sandeen ng Hong Kong na may 59.84 segundo, habang pu­mangalawa ang katropa nitong si Claire Robertson na naglagak ng 1:00.87.

“I get to enjoy swimming here in Korea.They have some fast swimmers  and It’s nice to compete with them. Thanks to Brent Aqualions Swim Team and Coach Monching Coach Cathy and coach Len and my teammates. I had a fun time here. I look forward to next year,” ani Mojdeh.

Pinangunahan din ni Mojdeh ang Bren quartet sa pagkopo ng tanso sa girls’ 200m medley relay.

Kasama ni Mojdeh sina Kirsten Tan, Jira He­deager at Natalia Javier sa pagtarak ng 2:25.63 pa­ra angkinin ang ikatlong puwesto.

Napasakamay ng Seoul Foreign School ang gin­to tangan ang 2:22.49, habang sumegunda ang United Nations Internatio­nal School of Hanoi ang pilak sa naisumiteng 2:23.03.