Crossovers nahugot si Nierva

MANILA, Philippines — Mas lalong magi­ging mabagsik ang floor defense ng Chery Tiggo Crossovers matapos kunin ang serbisyo ni Natio­nal University libero Jen Nierva para sa Premier Volleyball League (PVL) Invitational Conference.

Pormal nang inihayag ng Crossovers ang pag­hugot nito kay Nierva sa kanilang mga social media accounts.

Mainit na tinanggap ng Crossover si Nierva na malaki ang maitutulong sa kanilang floor defense dahil sa malalim nitong karanasan.

“Player #19, our new libero,” ayon sa post ng Chery Tiggo.

Isa si Nierva sa limang players na bagong hugot ng Crossovers.

Inaasahang dadalhin ni Nierva ang championship experience nito sa kampo ng Crossovers.

Bahagi si Nierva ng Lady Bulldogs na nagkampeon sa UAAP Season 84 women’s volleyball tournament noong nakaraang taon sa pamamagitan ng matamis na sweep.

Sa naturang season din naging Best Libero si Nierva.

Sa nakalipas na UAAP Season 85, kasama si Nierva sa tumapos bilang runner-up sa likod ng eventual champion De La Salle University.

Magiging kapalitan ni Nierva sa floor defense si Buding Duremdes na itinanghal na Best Libero noong 2022 Reinforced Conference.

Inaasahang papanga­lanan pa ng Crossovers ang pangalan ng apat pang bagong recuits nito.

Kaliwa’t kanan na ang usap usapan sa social media na sa Crossover ang punta ni Eya Laure na nagpasyang lisanin na ang UST.

Hangad ng Chery Tiggo na malampasan ang ikalimang puwestong pagtatapos nito noong 2023 PVL All-Filipino Confe­rence.